麗英的選擇  老公揀肥蚊  男友揀J哥

麗英的新歌MV《陪多我半日好嗎》，找來KK張國強演出一角，做麗英的爸爸，對此麗英說：「真係好有緣份，因為MV製片同KK合作開，我哋想要爸爸角色，佢話不如試吓KK。KK我由細睇到大，佢之前冇參與過MV，將第一次俾咗我。」 麗英 訪問 KK和麗英的相處十分有趣，她說：「睇開佢以前做奸角，原來佢個人好nice好sweet，因為面對前輩好緊張，但佢嗰日係咁同我傾偈，講星座，佢問我什麼星座，我話係人馬，原來佢都係，大家講人馬座嘅特點，都係自由自在。」二人還有共同興趣，麗英說：「佢好鍾意食字，但有時食字會俾人歧視，食得唔好會kam。嗰日係前所未有一次咁暢快，大家互相食字，好開心，沉醉喺人馬座世界，超夾。」 麗英 訪問 麗英在小薯茄出道，提起這個家，她很感恩：「好開心，有諗過小薯茄可唔可以做一世，我OK 㗎，我真係願意做一世，我冇想像過嘅嘢，都喺小薯茄發生咗。冇諗過喺度做歌手，出外訪問荷李活巨星，好夢幻嘅體驗，好幸福。大家一條心，有一百分嘅熱情，我希望小薯茄可以再耐啲。」 小薯茄四位男幕前 提起小薯茄，麗英特別有感覺，她說：「有少少感動，YouTube都難做，未必好穩定，我哋公司好多人，點都有一定壓…